Hüquqi məlumat
Məxfilik siyasəti
Bu siyasət BirDesk-in hansı məlumatları, hansı məqsədlə və necə qoruyaraq işlədiyini aydın şəkildə izah edir.
1. Əhatə dairəsi
Bu siyasət birdesk.az saytı, BirDesk ERP platforması, qoşulma müraciətləri, dəstək, sənəd skanı və məlumat miqrasiyası zamanı işlənilən məlumatlara aiddir. BirDesk-dən istifadə edən şirkət öz əməkdaşlarına, müştərilərinə və tərəfdaşlarına aid məlumatları yalnız qanuni əsas və səlahiyyət daxilində sistemə daxil etməlidir.
2. Məlumatların işlənilməsində rollar
Ana səhifədə qoşulma müraciəti göndərildikdə BirDesk həmin müraciətin məlumat operatorudur. Tenant şirkətin ERP-yə daxil etdiyi biznes və fərdi məlumatlar üzrə məqsəd və həcmi tenant müəyyən edir; BirDesk həmin məlumatları xidmətin göstərilməsi üçün texniki operator kimi işləyir.
Tenant administratoru istifadəçi səlahiyyətlərini, daxil edilən məlumatların qanuniliyini və öz təşkilatındakı məlumat subyektlərinin məlumatlandırılmasını təmin etməlidir.
3. İşlənilə bilən məlumatlar
- hesab və giriş məlumatları: ad, istifadəçi adı, rol, şirkət üzvlüyü, sessiya və təhlükəsizlik hadisələri;
- şirkət məlumatları və rekvizitlər;
- müştəri, təchizatçı, əməkdaş və təsisçi məlumatları;
- satış, alış, maliyyə, borc, anbar, ödəniş və audit qeydləri;
- dəstək, miqrasiya və qoşulma müraciətində təqdim olunan şirkət adı, telefon və mesaj;
- sənəd skanı zamanı istifadəçinin təqdim etdiyi şəkil və OCR nəticəsi;
- xidmətin təhlükəsizliyi üçün texniki jurnal, cihaz, sorğu və App Check yoxlama məlumatları.
Ödəniş kartı məlumatları BirDesk-in ictimai müraciət forması ilə toplanmır.
4. İşlənilmə məqsədləri və əsasları
Məlumatlar xidmətin təqdim edilməsi, müqavilənin icrası, istifadəçinin müraciətinə cavab, təhlükəsizlik və dələduzluğun qarşısının alınması, audit, ehtiyat nüsxə, texniki dəstək və qanuni öhdəliklərin yerinə yetirilməsi üçün işlənilir. Razılığa əsaslanan işlənilmədə razılıq geri götürülə bilər; bu, geri götürülmədən əvvəlki qanuni işlənilməni etibarsız etmir.
6. Saxlanma və silinmə
| Məlumat | Saxlanma yanaşması |
|---|---|
| İctimai qoşulma müraciəti | Platforma reyestrində ən çox 365 gün; müqavilə və ya hüquqi münasibət yaranarsa aidiyyəti biznes sənədləri ayrıca əsasla saxlanıla bilər. |
| QR/OCR skan sessiyası | 5 dəqiqəlik sessiya; müddəti bitən sessiyalar avtomatik təmizlənir. Təsdiqlənərək tenant qeydinə yazılan məlumat həmin biznes qeydinin saxlanma qaydasına keçir. |
| Tenant biznes məlumatı | Aktiv xidmət müddəti, müqavilə, mühasibat və digər qanuni saxlanma tələbləri nəzərə alınmaqla. |
| Ehtiyat nüsxələr | Abunəlik planında göstərilən saxlanma müddətinə uyğun. |
| Təhlükəsizlik və audit qeydləri | İnsident araşdırması, hesabatlılıq və hüquqi tələblər üçün zəruri müddət. |
Məqsəd və qanuni saxlanma zərurəti bitdikdə məlumat silinir və ya şəxsiyyətsizləşdirilir.
7. Mühafizə tədbirləri
Qorunan HTTPS bağlantısı, rol və icazə əsaslı giriş, tenant ayrılığı, server tərəfli yoxlamalar, App Check, audit jurnalı, məhdud xidmət hesabları, secret idarəetməsi, monitorinq və ehtiyat nüsxələr kimi riskə uyğun tədbirlər tətbiq olunur. Heç bir internet xidməti sıfır risk zəmanəti vermir; şübhəli hal dərhal təhlükəsizlik qaydasına uyğun bildirilməlidir.
8. Məlumat subyektinin hüquqları
Qanunvericiliyin tətbiq olunduğu həddə şəxs özü barədə məlumatın mövcudluğunu öyrənə, məlumat və işlənilmə məqsədi barədə izah ala, yanlış məlumatın düzəldilməsini, qanunsuz işlənilmənin dayandırılmasını və saxlanma əsası qalmayan məlumatın silinməsini tələb edə bilər. Tenant sistemindəki məlumat üçün əvvəl həmin tenant şirkətə müraciət etmək daha sürətli nəticə verir; BirDesk texniki sorğuda tenantla əməkdaşlıq edir.
Hüquqların qorunması üçün sorğunu icra etməzdən əvvəl müraciət edənin kimliyi və səlahiyyəti yoxlanıla bilər.
9. Uşaqların məlumatları
BirDesk birbaşa uşaqlara yönəlmiş xidmət deyil. Tenant yalnız qanuni əsası və lazımi icazəsi olduqda yetkinlik yaşına çatmayan şəxslə bağlı məlumat daxil etməlidir.
10. Siyasətdə dəyişiklik
Texniki, hüquqi və biznes dəyişikliklərinə görə siyasət yenilənə bilər. Qüvvədə olan versiya bu səhifədə tarix və versiya nömrəsi ilə dərc edilir; mühüm dəyişikliklər uyğun kanal vasitəsilə bildirilir.